संघर्षक्रांती वृत्तवेध - श्रीगोंदा 

दि. 31जुलै 2026

(उज्वला उल्हारे)

मिरजगाव  येथील श्री संत गजानन महाराज ग्रामीण विकास प्रतिष्ठान संचलित सदगुरु कृषी महाविद्यालय, मिरजगाव येथे विद्यार्थ्यांच्या पुढाकारातून गुरुपौर्णिमा उत्साहपूर्ण वातावरणात साजरी करण्यात आली. 29 जुलै रोजी व्यासपौर्णिमा किंवा गुरुपौर्णिमा म्हणजे आपल्या जीवनात असलेल्या गुरूंच्या अनन्यसाधारण महत्त्वाची जाणिव करून देते. या दिवशी प्रत्येक जण आपल्या जीवनाला आकार आणि दिशा देणाऱ्या गुरूंचे स्मरण करून त्यांच्या चरणी कृतज्ञ भाव व्यक्त करतो. याच उद्देशाने सदगुरु कृषी महाविद्यालयात विद्यार्थ्यांनी गुरुपौर्णिमा साजरी केली. यावेळी विद्यार्थ्यांनी सर्व प्राध्यापकांना गुलाब पुष्प आणि लेखणी भेट देऊन त्यांच्या प्रती असलेला आदर व्यक्त केला. याप्रसंगी काही विद्यार्थ्यांनी प्रातिनिधिक भाषणे केली. हा कार्यक्रम  संस्थेचे संस्थापक  डॉ. शंकरराव नेवसे, अध्यक्षा  कल्याणी ताई नेवसे, संस्थेचे सचिव राजेंद्रजी गोरे, प्रशासकीय अधिकारी  सखाराम राजळे, नोडल अधिकारी  अण्णासाहेब रासकर, यांच्या प्रेरणेने झाला.

भारतीय संस्कृतीत गुरुचे स्थान सर्वोच्च असून ज्ञान, संस्कार आणि जीवनमूल्यांची जपणूक करण्यासाठी गुरुपौर्णिमेचे विशेष महत्त्व असल्याचे प्रतिपादन महाविद्यालयाचे प्राचार्य डॉ. रामदास बिटे यांनी आपल्या मार्गदर्शनात केले.

चौकट - यावेळी प्राचार्य डॉ. रामदास बिटे यांनी गुरुपौर्णिमेचा ऐतिहासिक संदर्भ स्पष्ट करत महर्षी वेदव्यास यांच्या कार्याचा आढावा घेतला. त्यांनी विद्यार्थ्यांना गुरु-शिष्य परंपरेचे महत्त्व समजावून सांगत ज्ञान, शिस्त आणि संस्कार यांच्या बळावर जीवनात यश संपादन करण्याचे आवाहन केले.

कार्यक्रमाचे सूत्रसंचालन महाविद्यालयाची विद्यार्थिनी वैष्णवी वाघ हिने  केले, तर आभार प्रदर्शन यश पाटील यांनी मानले. या  कार्यक्रमाचे नियोजन व आयोजन महाविद्यालयाच्या विद्यार्थ्यांनी आणि राष्ट्रीय सेवा योजना यांच्या वतीने करण्यात आले. कार्यक्रमाला महाविद्यालयातील प्राध्यापक, कर्मचारी आणि विद्यार्थ्यांची उत्स्फूर्त उपस्थिती लाभली.