संघर्षक्रांती वृत्तवेध - श्रीगोंदा 

दि. 27 ऑगस्ट 2026

(उज्वला उल्हारे)

करमाळा : करमाळा येथील  जगदंबा कमलादेवी मंदिराच्या जतन व संवर्धनाच्या पवित्र कार्याला भाविकांकडून सातत्याने आर्थिक सहकार्य मिळत आहे. याच भावनेतून  नारायण गणपत बोबे सर यांचे पुत्र  सुरज नारायण बोबे, रा. कळवा, ठाणे यांनी दि. २५ ऑगस्ट २०२६, मंगळवार रोजी मंदिर जतन-संवर्धनाच्या कामासाठी ५ हजार १ रुपयांची रोख देणगी अर्पण केली.

 सुरज बोबे यांनी ही देणगी मंदिराच्या जतन-संवर्धनासाठी सुपूर्द केली. यानिमित्ताने मंदिराचे पुजारी बाळासाहेब सोरटे व व्यवस्थापक अशोक गाठे यांच्या हस्ते  सुरज बोबे यांचा सत्कार करण्यात आला. मंदिराच्या संवर्धनासाठी बोबे परिवाराकडून सातत्याने होत असलेल्या योगदानाबद्दल मंदिर समितीच्या वतीने कृतज्ञता व्यक्त करण्यात आली.

बोबे परिवाराचा सातत्यपूर्ण सहभाग

 नारायण बोबे सर व बोबे परिवार यांनी यापूर्वीही श्री कमलादेवी मंदिराच्या जतन-संवर्धनाच्या कामासाठी वेळोवेळी देणगी दिली आहे. त्यांचा देणगीचा तपशील पुढीलप्रमाणे आहे—

दि. ६ नोव्हेंबर २०२४ - रु. २१,०००

दि. १२ एप्रिल २०२५ -  रु. ११,०००

दि. २३ डिसेंबर २०२५ - रु. ११,०००

दि. १९ एप्रिल २०२६ - रु. ११,०००

दि. १९ एप्रिल २०२६ - रु. १,०००

दि. २५ ऑगस्ट २०२६ - रु. ५,००१

अशा प्रकारे बोबे परिवाराकडून आजअखेर एकूण ६० हजार १ रुपयांची देणगी मंदिर जतन-संवर्धनाच्या कार्यासाठी प्राप्त झाली आहे.

पुरातन मंदिराच्या जतनासाठी लोकसहभाग महत्त्वाचा

श्री कमलादेवी मंदिर हे करमाळ्याच्या धार्मिक व ऐतिहासिक परंपरेचा महत्त्वाचा भाग आहे. मंदिराचे पुरातन स्वरूप आणि वास्तूवैभव जतन करून भावी पिढ्यांपर्यंत ही ऐतिहासिक परंपरा पोहोचविण्यासाठी जतन व संवर्धनाचे काम सुरू आहे. या कामाला भाविक, भक्त, मानकरी, सेवेकरी आणि दानशूर व्यक्तींच्या सहकार्यामुळे बळ मिळत आहे.

बोबे परिवाराने सातत्याने दिलेल्या देणगीमुळे मंदिर जतन-संवर्धनाच्या कार्यात लोकसहभागाची भावना अधिक दृढ होत असून, त्यांच्या योगदानाचे मंदिर समितीच्या वतीने विशेष कौतुक करण्यात आले.

चौकट- भाविकांना देणगीचे आवाहन मंदिर जतन-संवर्धनाचे काम प्रगतीपथावर असल्याने अधिकाधिक भाविक व दानशूर व्यक्तींनी या पवित्र कार्यासाठी सढळ हाताने देणगी देऊन सहकार्य करावे, असे आवाहन श्री जगदंबा कमलादेवी देवस्थान ट्रस्ट, करमाळा यांच्या वतीने करण्यात आले आहे. मंदिरासाठी ऑनलाईन देणगीची सुविधाही उपलब्ध आहे.

बोबे परिवाराच्या या सातत्यपूर्ण योगदानाबद्दल मंदिर समितीच्या वतीने मनःपूर्वक आभार व धन्यवाद व्यक्त करण्यात आले.

देणगी व अधिक माहितीसाठी संपर्क :

अशोक गाठे, व्यवस्थापक

मो. ९४०४७०८९२४