संघर्षक्रांती वृत्तवेध - श्रीगोंदा 

दि. 2 ऑगस्ट 2026

(उज्वला उल्हारे)

साहित्यरत्न लोकशाहीर डॉ. अण्णाभाऊ साठे यांच्या १०६ व्या जयंतीनिमित्त जामखेड शहरातील साठेनगर येथे शिवसेना युवा नेते आकाशशेठ बाफना व मित्रमंडळाच्या वतीने अभिवादनाचा कार्यक्रम उत्साहपूर्ण वातावरणात संपन्न झाला. यावेळी अण्णाभाऊ साठे यांच्या प्रतिमेचे पूजन करून पुष्पहार अर्पण करण्यात आला. उपस्थितांनी त्यांच्या कार्याला, साहित्याला व सामाजिक परिवर्तनातील योगदानाला अभिवादन करत समता, बंधुता आणि सामाजिक न्यायाचा संदेश दिला.

कार्यक्रमात उपस्थित मान्यवरांनी अण्णाभाऊ साठे यांच्या साहित्य, सामाजिक कार्य आणि लोकशाहीर म्हणून केलेल्या अमूल्य योगदानाचा गौरव केला. त्यांच्या विचारांमधून समता, स्वाभिमान, बंधुता आणि सामाजिक न्यायाची प्रेरणा मिळते. बदलत्या काळातही त्यांचे साहित्य समाजाला दिशा देणारे आणि नवचैतन्य निर्माण करणारे असल्याचे वक्त्यांनी नमूद केले.

या कार्यक्रमास ओबीसी नेते शिवकुमार डोंगरे, पांडुरंग माने, स्वप्निल खाडे, विकी पिंपळे, साठेनगरचे अध्यक्ष शरद मोरे, किशोर कांबळे, रवि डाडर, दत्ता क्षिरसागर, दादा डाडर, आतिष डाडर, मनोज डाडर, सोनू क्षिरसागर, प्रेम कांबळे, विनोद कांबळे, नितीन डाडर, गणेश वाघमारे, शेखर मोरे, जितेश डाडर, ओम डाडर, सुमित डोलारे, दीपक रिटे, दादा अडागळे, रविंद्र डाडर, बाळू डाडर, अविराज क्षिरसागर, सुमित घायतडक, क्रिश खंडागळे, संतोष थोरात, सागर कांबळे, सचिन कांबळे, कृष्णा कांबळे, पियुष मोरे, अनुप साठे यांच्यासह शिवसैनिक, पदाधिकारी आणि साठेनगर परिसरातील नागरिक मोठ्या संख्येने उपस्थित होते.

कार्यक्रम उत्साहपूर्ण वातावरणात पार पडला. उपस्थितांनी लोकशाहीर अण्णाभाऊ साठे यांच्या विचारांचा प्रसार करण्याचा, सामाजिक समतेची मूल्ये जपण्याचा आणि त्यांच्या कार्याचा वारसा पुढे नेण्याचा निर्धार व्यक्त केला.

चौकट - यावेळी बोलताना शिवसेना युवा नेते आकाश बाफना म्हणाले, काही माणसं जन्माने नव्हे, तर आपल्या कर्तृत्वाने मोठी होतात. साहित्यरत्न लोकशाहीर डॉ. अण्णाभाऊ साठे हे त्यापैकीच एक होते. औपचारिक शिक्षणाची मर्यादा असतानाही जीवनाच्या विद्यापीठातून त्यांनी समाजाचे वास्तव जाणले. त्यांनी दिनदलित, कष्टकरी आणि वंचितांच्या वेदनांना आपल्या लेखणीतून शब्द दिले. त्यांच्या साहित्याने महाराष्ट्रात सामाजिक परिवर्तनाची मोठी चळवळ उभी केली. आजच्या तरुणांनी त्यांच्या विचारांचा आदर्श घेऊन समाजहितासाठी कार्य करणे हीच त्यांना खरी आदरांजली ठरेल.