संघर्षक्रांती वृत्तवेध - श्रीगोंदा 

दि. 2 ऑगस्ट 2026

(उज्वला उल्हारे)

  मिरजगाव येथील सदगुरु कृषी महाविद्यालय, मिरजगाव येथे लोकशाहीर अण्णाभाऊ साठे यांच्या जयंतीनिमित्त तसेच लोकमान्य बाळ गंगाधर टिळक यांच्या पुण्यतिथीनिमित्त अभिवादन कार्यक्रम उत्साहपूर्ण वातावरणात संपन्न झाला.  संस्थेचे संस्थापक डॉ. शंकरराव नेवसे, अध्यक्षा  कल्याणीताई नेवसे तसेच सचिव ह.भ.प. राजेंद्रजी गोरे यांच्या प्रेरणेतून सर्व थोर नेत्यांच्या जयंती पुण्यतिथी साजरी करण्यात येतात. आजचा ही कार्यक्रम त्यांच्या मार्गदर्शनाखाली आयोजित करण्यात आला होता. 

कार्यक्रमाच्या प्रारंभी कार्यक्रमाध्यक्ष तथा प्राचार्य डॉ. रामदास बिटे, प्रशासकीय अधिकारी श्री. सखाराम राजळे आणि नोडल अधिकारी  अण्णासाहेब रासकर यांच्या हस्ते लोकशाहीर अण्णाभाऊ साठे व लोकमान्य बाळ गंगाधर टिळक यांच्या प्रतिमेचे पूजन करून पुष्पहार अर्पण करण्यात आला.

यावेळी प्राचार्य डॉ. रामदास बिटे यांनी अण्णाभाऊ साठे यांच्या सामाजिक, साहित्यिक आणि परिवर्तनवादी कार्याचा गौरवपूर्ण आढावा घेतला. तसेच लोकमान्य टिळक यांनी भारतीय स्वातंत्र्यलढ्यात दिलेले अमूल्य योगदान, राष्ट्रप्रेम आणि जनजागृतीचे कार्य विद्यार्थ्यांसाठी प्रेरणादायी असल्याचे सांगितले. विद्यार्थ्यांनी या दोन्ही महान विभूतींच्या विचारांचा आदर्श घेऊन समाजहित, राष्ट्रहित आणि मानवतेच्या सेवेसाठी कार्य करावे, असे आवाहन त्यांनी केले.

चौकट - कार्यक्रमास महाविद्यालयातील प्राध्यापक, शिक्षकेतर कर्मचारी तसेच मोठ्या संख्येने विद्यार्थी उपस्थित होते.

महाविद्यालयाच्या राष्ट्रीय सेवा योजना स्वयंसेवकांच्या वतीने संपूर्ण कार्यक्रम प्रेरणादायी व उत्साहपूर्ण वातावरणात पार पडला. यावेळी सर्व उपस्थितांनी महापुरुषांच्या कार्याचे स्मरण करून त्यांच्या विचारांचा प्रसार करण्याचा संकल्प व्यक्त केला.