संघर्षक्रांती वृत्तवेध - श्रीगोंदा 

दि. 18 ऑगस्ट 2026

(उज्वला उल्हारे)

 श्रीगोंदा तालुक्यातील लिंपणगाव  येथील ग्रामदैवत श्री सिद्धेश्वर महाराज मंदिरात आज पहिल्याच श्रावणी सोमवार निमित्त भाविकांनी मोठी दर्शन व महाभिषेक घालण्यासाठी गर्दी केली. श्रावण महिना सुरू होताच लिंपणगाव येथील सिद्धेश्वर मंदिरात भाविकांची महाभिषेक व दर्शनासाठी दररोज मंदिर परिसर गजबजून जातो. त्यामध्ये श्रावण महिन्यात ग्रामस्थांकडून आठ दिवस अखंड हरिनाम सप्ताहाचे आयोजन देखील केले जाते. 18 ऑगस्ट पासून अखंड हरिनाम सप्ताह गावात प्रारंभ होत आहे. सायंकाळी आठ ते अकरा वाजेपर्यंत महाराष्ट्रातील नामवंत कीर्तन व प्रवचन करांची कीर्तने आयोजित केली जातात. या सप्ताह कालावधीमध्ये ग्रामस्थांकडून दररोज उपस्थित भाविकांना कीर्तन सेवा पूर्ण झाल्यानंतर अन्नदान केले जाते. संपूर्ण श्रावण महिन्यात लिंपणगावमध्ये पंढरीचे स्वरूप निर्माण होते. अनेक भाविक भक्त दूरवरून सिद्धेश्वराच्या दर्शनासाठी आवर्जून उपस्थित राहतात. 

       सिद्धेश्वर महाराज हे जागृत देवस्थान म्हणून सुपरिचित आहे. काष्टी श्रीगोंदा या राष्ट्रीय महामार्गावर वसलेले हे पुरातन कालीन हेमाडपंथी मंदिर भक्तांसाठी परवणी ठरले आहे. नवसाला पावणारे हे जागृत देवस्थान असल्याने अनेक भाविक भक्त आपला वर्षपूर्तीचा नवस श्रावण महिन्यामध्ये पूर्ण करतात. त्यातून अनेक भक्तजन मंडळीला या जागृत देवस्थाने सुख, समृद्धी व ऐश्वर्य प्राप्त झाल्याने अनेकांचा या जागृत देवस्थानवर विश्वास दिसून येतो. या सिद्धेश्वर मंदिरात श्रावण महिना सुरू झाल्यानंतर पहाटेपासूनच सिद्धेश्वर महाराजांना महाभिषेक घालण्यासाठी भाविक भक्त व आबालवृद्धांनी मोठी गर्दी केली. त्यामुळे लिंपणगावमध्ये सिद्धेश्वर मंदिराच्या परिसरात भक्तिमय वातावरण निर्माण झाले असून, भाविक भक्तांसाठी पुरातत्व विभागाने महाअभिषेक व दर्शनासाठी मंदिर खुले करण्यात आले आहे. त्यामुळे ग्रामस्थांमधून समाधान व्यक्त केले जात असून,उपस्थित भाविक भक्तांना महाभिषेक व पूजाअर्चा करण्यासाठी ज्येष्ठ विधी तज्ञ सुधीर कुलकर्णी व गुरव दांपत्य हे मौलिक असे सहकार्य करत आहे. भाविकांनी सप्ताह कालावधीत श्रावणी सुखाचा लाभ घेऊन, सप्ताह मंडळाला सहकार्य करावे, असे आवाहन सप्ताह मंडळाच्या वतीने करण्यात येत आहे.