संघर्षक्रांती वृत्तवेध - श्रीगोंदा 

दि.12 फेब्रुवारी 2026

(उज्वला उल्हारे)

 समाजोपयोगी कार्यातून वाढदिवस साजरा करण्याची प्रेरणादायी परंपरा पुढे नेत श्री. चेतन दिलीपराव ढाळे (करमाळा) यांनी आपल्या वाढदिवसानिमित्त श्रीकमलादेवी मंदिर जतन व संवर्धन कामासाठी रोख रुपये ५,०००/- (पाच हजार फक्त) देणगी अर्पण केली. गुरुवार, दिनांक १२ फेब्रुवारी २०२६ रोजी मंदिर परिसरात हा उपक्रम पार पडला.

वाढदिवसाच्या निमित्ताने इतरत्र अनावश्यक खर्च टाळत धार्मिक व सांस्कृतिक वारसा जपण्यासाठी योगदान देण्याचा आदर्श श्री. ढाळे यांनी समाजासमोर ठेवला. त्यांच्या या सामाजिक बांधिलकीचे सर्वत्र कौतुक होत आहे. मंदिर जतन व संवर्धनासाठी सुरू असलेल्या कामांना या देणगीमुळे निश्चितच बळ मिळणार असल्याचे मंदिर समितीकडून सांगण्यात आले.

या प्रसंगी श्रीजगदंबा कमलादेवी मंदिर समितीच्या वतीने व्यवस्थापक श्री. अशोक गाठे यांनी श्री. चेतन ढाळे यांचा शाल, पुष्पगुच्छ देऊन सहपरिवार सत्कार केला. कार्यक्रमावेळी ढाळे परिवार तसेच मंदिर समितीचे पदाधिकारी व भाविक उपस्थित होते. वातावरणात भक्तिभाव आणि समाधानाची भावना दिसून आली.

मंदिराचा ऐतिहासिक व आध्यात्मिक वारसा जपण्यासाठी सुरू असलेल्या जतन व संवर्धन उपक्रमांना समाजातील दानशूर व्यक्तींचे सहकार्य लाभत आहे. मंदिर समितीने भाविकांना आवाहन केले आहे की, धार्मिक कार्यात सहभाग नोंदवून मंदिराच्या विकासासाठी हातभार लावावा.

दरम्यान, मंदिरासाठी ऑनलाईन देणगीची सुविधा उपलब्ध करण्यात आली असून इच्छुक भाविकांनी संपर्क साधावा, असे आवाहन करण्यात आले आहे.

 संपर्क :

अशोक गाठे (व्यवस्थापक)

मो. नं. ९४०४७०८९२४