संघर्षक्रांती वृत्तवेध - श्रीगोंदा 

दि.18 फेब्रुवारी 2026

(उज्वला उल्हारे)

मिरजगाव  येथील श्री संत गजानन महाराज ग्रामीण विकास प्रतिष्ठान संचलित सदगुरु कृषी महाविद्यालय मिरजगाव मध्ये आज क्रांतिवीर लहुजी वस्ताद आणि क्रांतिवीर वासुदेव बळवंत फडके यांची पुण्यतिथी साजरी करण्यात आली. यानिमित्त या दोन्ही क्रांतिवीर महामूर्तींच्या प्रतिमेला पुष्पहार अर्पण करून  आदरांजली व्यक्त केली गेली. या कार्यक्रमाच्या प्रसंगी संस्थेचे नोडल अधिकारी अण्णासाहेब रासकर सर, समन्वयक राहुल म्हेत्रे सर, महाविद्यालयाचे प्राचार्य डॉ. रामदास बिटे सर, सर्व शिक्षक व शिक्षकेतर कर्मचारी आणि विद्यार्थी उपस्थित होते. याप्रसंगी बोलताना प्रा. सचिन आढाव सर यांनी क्रांतिवीर लहुजी वस्ताद यांच्या जीवना विषयी माहिती सांगुन त्यांच्या स्मृतीला उजाळा दिला. मार्गदर्शन करताना महाविद्यालयाचे  प्राचार्य डॉ. रामदास बिटे सर यांनी क्रांतिवीर लहुजी वस्ताद व क्रांतिवीर वासुदेव बळवंत फडके यांच्या स्मृतीला उजाळा देत प्रत्येकाने आपल्या जीवनात क्रांती घडवून आणण्यासाठी काहीतरी धडपड केली पाहिजे. आपल्याला इतिहासात अजरामर व्हायचे असेल तर इतरांपेक्षा वेगळं काहीतरी केलं पाहिजे. असे प्रतिपादन केले. 

कार्यक्रमासाठी मोठ्या संख्येने प्राध्यापक व विद्यार्थी वर्ग उपस्थित होता.