संघर्षक्रांती वृत्तवेध - श्रीगोंदा 

दि. 7 जून 2026

(उज्वला उल्हारे)

 सर्वसामान्य नागरिकांच्या आर्थिक सुरक्षिततेला प्राधान्य देत विश्वास, पारदर्शकता आणि सामाजिक बांधिलकी जपणारी वृद्धेश्वर मल्टीस्टेट ही संस्था आज आर्थिक समृद्धीचे शक्तीस्थळ म्हणून उदयास आली आहे. संस्थेच्या श्रीगोंदा शाखेच्या  १३ व्या वर्धापन दिनानिमित्त आर्थिक सुरक्षा व ग्राहक जागृती मेळावा तसेच शालेय विद्यार्थ्यांचा गुणगौरव सोहळा आयोजित करण्यात आला असून या कार्यक्रमाला ग्राहक, सभासद, महिला बचत गटांच्या प्रतिनिधींसह विविध क्षेत्रातील मान्यवरांची उपस्थिती लाभली.

यावेळी कार्यक्रमाच्या प्रमुख मार्गदर्शक देशपांडे इन्व्हेस्टमेंट चे राजेश देशपांडे यांनी सुरक्षित पतधोरण ठेवी ,विश्वासार्ह गुंतवणूक आणि पारदर्शी व्यवस्थापन यावर ग्राहकांच्या पैसा सुरक्षित असून याबाबत वृद्धेश्वर मल्टीस्टेट चे काम दैदीप्यमान असल्याचे सांगितले.

यावेळी बोलताना श्रीगोंदा शाखेच्या चेअरमन सायली वाडगे यांनी सांगितले की, सर्वसामान्य नागरिकांच्या आर्थिक गुंतवणुकीची सुरक्षा ही संस्थेची सर्वोच्च प्राथमिकता आहे. ग्राहकांनी संस्थेवर ठेवलेला विश्वास आणि त्यांची आर्थिक सुरक्षितता अबाधित राखण्यासाठी वृद्धेश्वर मल्टीस्टेट सातत्याने जबाबदारीने कार्यरत आहे. आर्थिक साक्षरता आणि योग्य गुंतवणुकीबाबत जनजागृती करण्यासाठी विविध उपक्रम राबविले जात असल्याचे त्यांनी नमूद केले.

संस्थेच्या कार्यपद्धतीबाबत बोलताना मुख्य कार्यकारी अधिकारी मेघना गावडे यांनी वृद्धेश्वर मल्टीस्टेटच्या पारदर्शक आणि लोकाभिमुख कार्यामुळे गुंतवणूकदारांचा संस्थेवर अटळ विश्वास निर्माण झाला असल्याचे सांगितले. ग्राहकांच्या हिताला केंद्रस्थानी ठेवून संस्था आर्थिक सेवा पुरवत असल्यामुळे ग्रामीण व शहरी भागातील नागरिक मोठ्या प्रमाणात संस्थेशी जोडले जात असल्याचे त्यांनी स्पष्ट केले.

संस्थापक अध्यक्ष विठ्ठलराव गाडगे यांच्या दूरदृष्टीपूर्ण संकल्पनेतून आणि अथक प्रयत्नांतून उभी राहिलेली ही संस्था आज हजारो ग्राहकांच्या विश्वासाचे केंद्र बनली आहे. सर्वसामान्यांच्या सहभागातून आणि सहकार्यामुळे संस्थेने आर्थिक क्षेत्रात उल्लेखनीय प्रगती साधली असून विविध समाजोपयोगी उपक्रमांद्वारे ग्राहकांच्या आर्थिक सुबत्तेत भर घातली आहे.

यावेळी श्रीगोंदा च्या नगराध्यक्षा सुनीताताई खेतमाळीस, उपनगराध्यक्षा अलकाताई अनभुले, नगरसेविका चांदणी खेतमाळीस, नगरसेवक शहाजी खेतमाळीस, आमीन भाई शेख ,अँड . सुशील कुमार शिंदे तसेच दादा औटी माजी नगरसेवक सतीश मखरे आदी मान्यवरांनी शुभेच्छा व्यक्त केल्या .

या अनुषंगाने गुणवंत विद्यार्थ्यांचा विशेष सन्मान करण्यात आला.

चौकट - वृद्धेश्वर मल्टीस्टेटने महिला सक्षमीकरण आणि सबलीकरणासाठीही महत्त्वपूर्ण योगदान दिले आहे. महिला बचत गटांना आर्थिक पाठबळ, स्वावलंबनाच्या संधी आणि व्यवसायवृद्धीसाठी आवश्यक सहकार्य उपलब्ध करून देण्यात संस्थेने पुढाकार घेतला आहे. तसेच शेतकऱ्यांसाठी हक्काची आर्थिक मदत, व्यवसायासाठी भांडवल उपलब्धता आणि विकासाच्या संधी निर्माण करण्याचे कार्यही सातत्याने सुरू ठेवले आहे.

ग्रामीण भागातील महिला बचत गट, उद्योजक, शेतकरी आणि सर्वसामान्य नागरिकांसाठी वृद्धेश्वर मल्टीस्टेट हे हक्काचे आर्थिक व्यासपीठ ठरत असून आर्थिक उन्नतीचे प्रभावी माध्यम म्हणून संस्थेची ओळख निर्माण झाली आहे. ग्राहकांच्या आर्थिक प्रगतीबरोबरच सामाजिक, शैक्षणिक आणि जनजागृतीपर उपक्रम राबवून संस्थेने समाजाभिमुख कार्याचा आदर्श निर्माण केला आहे.

दरम्यान, वृद्धेश्वर मल्टीस्टेटच्या श्रीगोंदा शाखेच्या १३ व्या वर्धापन दिनानिमित्त आयोजित वृद्धेश्वर मल्टीस्टेटची विश्वासार्ह सेवा, ग्राहककेंद्री धोरणे आणि सामाजिक बांधिलकी यामुळे संस्था आगामी काळातही आर्थिक विकास आणि समाजकल्याणाच्या क्षेत्रात महत्त्वपूर्ण भूमिका बजावेल, असा विश्वास यावेळी व्यक्त करण्यात आला.