संघर्षक्रांती वृत्तवेध - श्रीगोंदा 

दि. 7 जून 2026

(उज्वला उल्हारे)

 येथील श्री संत गजानन महाराज ग्रामीण विकास प्रतिष्ठान, मिरजगाव संचलित सदगुरु कृषी महाविद्यालय, मिरजगाव येथे जागतिक पर्यावरण दिन उत्साहपूर्ण वातावरणात साजरा करण्यात आला. पर्यावरण संवर्धनाचा संदेश देण्यासाठी विविध उपक्रमांचे आयोजन करण्यात आले होते.

कार्यक्रमाच्या अध्यक्षस्थानी महाविद्यालयाचे प्राचार्य डॉ. रामदास बिटे सर होते. यावेळी  प्रशासकीय अधिकारी श्री. सखाराम राजळे, सांस्कृतिक विभाग प्रमुख प्रा. सचिन आढाव, प्रा. डॉ. प्रियंका दहिवळे, डॉ. प्रियंका जाधव, प्रा. महेश कुतुवळ, प्रा. वैभव शिंदे, क्रीडा शिक्षक प्रा. बाळासाहेब पारखे, प्रा. तेजस गायकवाड यांची प्रमुख उपस्थिती होती.

कार्यक्रमामध्ये विद्यार्थ्यांनी पर्यावरण संवर्धन, वृक्षांचे महत्त्व, जलसंधारण, प्रदूषण नियंत्रण आणि शाश्वत विकास या विषयांवर प्रभावी भाषणे सादर केली. विद्यार्थ्यांच्या उत्स्फूर्त सहभागामुळे कार्यक्रमाला विशेष रंगत आली.

सदगुरु कृषी महाविद्यालय आणि राष्ट्रीय सेवा योजना (NSS) विभाग यांच्या संयुक्त विद्यमातून  महाविद्यालय परिसरात वृक्षारोपण करण्यात आले. याप्रसंगी महाविद्यालयाचे प्राचार्य डॉ. रामदास बिटे सर यांनी विद्यार्थ्यांना अधिकाधिक वृक्ष लागवड व त्यांचे संगोपन करण्याचे आवाहन केले. पर्यावरणाचे रक्षण करणे ही प्रत्येकाची सामाजिक जबाबदारी असल्याचे मत प्रशासकीय अधिकारी श्री सखाराम राजळे सर यांनी व्यक्त केले.

कार्यक्रमास महाविद्यालयातील प्राध्यापक, शिक्षकेतर कर्मचारी तसेच मोठ्या संख्येने विद्यार्थी उपस्थित होते. कार्यक्रमाचे आयोजन राष्ट्रीय सेवा योजना विभागा मार्फत करण्यात आले होते. या कार्यक्रमाचे सूत्रसंचालन प्रा. ज्ञानेश्वर गव्हाणे यांनी केले तर आभार  डॉ. उके यांनी मानले.